Apple又有新產品，如果大家成日唔見野，就要留意Apple嘅Airtag啦！Airtag具備追蹤物品嘅功能，就算唔記得咗自己啲嘢擺咗係邊，都可以透過App追蹤物品嘅位置。有興趣嘅朋友可以去Apple 官網訂購㗎！
Airtag輕便易於攜帶、防濺耐水，大家可以將Airtag掛喺鎖匙，或者放喺背囊、銀包，就可以隨時去尋找App睇返物品嘅位置，或者透過Airtag內置揚聲器播放音效，方便大家透過聲音搵返自己嘅物品。
Airtag嘅原理係透過發出藍牙訊號，讓App偵測到佢嘅位置，過程係匿名同埋經過加密保護，只有你本人睇到Airtag嘅位置，確保用戶私隱。
如果你身上有屬於其他人嘅Airtag，IPhone會發出通知提醒你，並發出聲音俾你搵出唔係屬於你嘅Airtag，避免其他人喺你不知情下用Airtag追蹤你嘅位置。
Airtag喺Apple官網售價每個$239，一套4個Airtag套裝只需$799，平均每個只要$199，更加可以刻上專屬嘅圖案同字。大家點睇呢一個新產品呢？唔知可唔可以改善成日唔見野嘅問題呢？
資料來源：APPLE
