有時自己友想放鬆下飲下野,香港有特色嘅酒吧真係唔少㗎,今日小編就介紹三間偽裝技術超強嘅酒吧,真係行過路過都唔知係間酒吧嚟!
Foxglove
中環都爹利街6號印刷行2樓
如果自己友們係鐘意睇特務電影的話,你一定會同樣鐘意呢間酒吧!事關呢間酒吧外形十足十賣雨傘的舖頭,入到去都仲未見到酒吧㗎,要同店員講完,佢先會係接待處隔離拎起一枝雨傘,前面嘅隱藏式門先會打開,真係好有電影感啊!
不過,驚喜仲未停,估唔到呢到除咗係酒吧之外,仲係中菜館,竟然有點心食!真係估您唔到啊!
Ping Pong 129 Gintonería
西環西營盤第二街129號南昌樓
呢間酒吧大大隻招牌寫住乒乓城,唔講以為係乒乓球室啊,門則仲寫住「專業教授乒乓球」等字眼,真係可以瞞天過海㗎。入到去仲有霓虹燈裝飾,好有香港味道。
Room 309
中環皇后大道中74號中環∙石板街酒店3樓309號舖
呢間酒吧嘅特別之處就在於入酒吧之前要去check in!好似book咗酒店房咁,check in 完店員會俾一張房卡您,你先入到酒吧㗎!入到去仲有個位置俾大家禱告,好特別。
呢幾間好玩得來又不失格調的酒吧,一定要去試下,最好襯返隻岩tone嘅香水,就可以玩得更加投入啦!