香港既健身風氣一直每況愈下,傳銷騙案非常嚴重,一唔覺意入一入去就無一萬幾千。再唔係就擔心課程騎呢古怪,又怕比唔夠掙扎要玩袋底臥推(入link :https://www.youtube.com/watch?v=wdMmkU7hfYM),搞到行到門口都唔敢入去報名。結果副偈越黎越差,未老先衰。所以今日決定分享下香港入得過既健身公司,等各位苦主可以擺脫東亞病夫既稱號。
舒適堡
舒適堡既價格同我既人工一樣 — 又平又抵hi。雖然有合約捆綁,但最低月費都係百幾蚊。而且地理位罝方便,港九新界加埋都有廿幾間。不過銷售手法就煩啲,會係你做緊果陣過黎sell你,情況就好似打手機game要迫你睇廣告一樣咁煩,如果你有強大既信念唔會比人sell到既話,舒適堡確實係經濟實惠既選擇。
Waterfall Sports& Wellness
呢間既特點就係合約期夠彈性,有6至24個月既長短約揀,最低月費都只係300蚊左右。而且設施多元,健身,游水,球類運動甚至bbq場都有埋。不過缺點就係分店太少,得太古同奧海城各一間,想去就要搭遠啲啦。
Fitness First
Fitness First係香港有9間分店,可惜暫時得港九有,新界人就可能冇份用住啦。而收費模式就合約制,3至12個月既合約都有,收費較為彈性。不過最低月費都要$600蚊起,對部分人黎講屬於偏貴少少喇。
身為一個職安真漢子,絕對唔好忽視運動既重要性呀,所謂唔打得都睇得,唔睇得都捱得,唔係點稱得上全能freelancer啊。