香港天氣潮濕，如果唔好好做好吸濕工序，大家屋企嘅牆同地板就好快「滴晒汗」！對於成日喺屋企做嘢嘅自己來講，屋企潮濕就更加大影響！嚴重啲嘅話仲會發霉同埋惹來潮濕害蟲，就真係手尾長！小編之前就係唔好好處理潮濕問題，啲牆佈滿潮濕蟲非常得人驚！今次推介呢兩款除濕器，開住就得，唔使成日打理，岩晒工作繁忙嘅自己友，而非常環保又慳電，fit晒！
$140就有交易，好處係唔使插電，可以四圍放！一部除濕器等於兩個吸濕大笨象的吸濕力，簡單易用，省錢又環保。最特別係部機上面有棵「小草」，會因應吸濕程度由枯黃色 (乾燥)，變成鮮綠色 (濕潤)。如果變晒綠色，就要插電烘乾，之後就可以再循環使用。最適合放鞋櫃、衣櫃、洗手間等地方，同時又可以吸臭。用來做擺設都唔錯啊！
呢個價錢就抵玩，$59.9，60蚊都唔使，呢款直頭唔使用電，當個標示由藍色變粉紅色之後，就代表表示已吸滿水，就要放佢入微波爐 (唔好連架放！)，微波爐設定做自動模式或解凍模式，如果手動模式的話將強度設定做中，時間設定為 10 分鐘左右。叮完就可以再用喇！不過要小心，叮完之後佢可能有啲熱，唔好即刻用手摸，等佢攤一攤凍先～
小編推薦呢兩款小資又實用同環保嘅吸濕器俾大家，希望幫到你哋解決潮濕問題啦！
