嚟到一年一度媽媽節，所謂世上只有媽媽好，媽媽養到你牛高馬大，一年一次咪買紮花氹下佢開心～未諗到去邊度食飯慶祝唔緊要，唔夠訂花急，快啲睇下下面幾間黃店，買啱佢心水包你成年有好飯食！
今次特別推出母親節兩個版本嘅花束，仲同上年一樣，Crossover綠色生活網店好生活，合作「母親節精選組合」一共有：小枱花一盆、台灣茶點同日本素麵，去佢哋網站就買得。花束可以填Google form落訂，當日港九新界都送，喺大角咀工作室都得！但花束名額只有15個，有興趣唔好手慢。
乾花都係近年買花嘅大潮流，有鮮花咁靚又襟擺。呢間香港Instagram小店專賣手作乾花束，可以自訂款式揀色調、大小（Small/Standard/Grand），想訂就要提早落單喇。
3.Zoogenic
花可能唔係個個啱，送植物盆栽一樣有姿勢有實際！呢度嘅仙人掌等等多肉植物可以揀用唔同造型水泥盆裝，買返屋企冇花束咁徙位，仲可以多項親子活動，同娘親一齊照顧佢添～
