唔睇無話題 醫飽個肚

【元朗/錦田 cafe】3間隱世美境咖啡店 地膽推介隱藏菜色、自由定價撐年輕人

single image

元朗大多數人會嚟附近行下山,食下好西,就好似冇咩嘢做了。疫情時期,行山、去離島玩,都已經去到厭嘅時候,不如靜落嚟,搵一間好feel又靚嘅café休息下,睇書做文青都係一個好選擇。近來,元朗嘅周邊錦田都開始發展起嚟,在鬧市中仍然可以享受田園嘅風光,今次就介紹喺元朗同錦田3間咖啡店。

1. Sora Cafe
  
店舖風格非常日系簡潔,以天空為主題嘅裝修,一入去真係覺得超級舒服。店面唔大,加上咖啡店位置唔係最多人嘅大街,相對都比較靜同人流唔多,完全可以慢慢享受食物同睇下書chill下。食物方面非常推介牛角包!其實係呢間café嘅隱藏menu,酥脆嘅外皮夾入帶有甜香的味道,真係好特別,令人一試愛上。初次嚟到,佢嘅英式全日早餐當然都唔可以錯過啦,鍾意飲咖啡嘅你,都要試下手沖嘅精品咖啡,絕對會有驚喜!同時都要留意,café得老闆一人工作,上菜時間自然會慢啲,記得留返充足時間享受慢活!

地址:元朗鳳攸北街5-7號順豐大廈地下37號舖
電話:94579299
Facebook:Sora Cafe そら カフェ
https://www.facebook.com/SoraCafeHK/

2. CoHee Studio
 
鍾意韓風café嘅你一定要試下入去錦田嘅CoHee Studio,café裝修以灰色混凝土風格為主,環境有種隱世田園嘅感覺,好舒服,再加上附近有壁畫村同紅磚屋,文青feel特別強。比起食物,更推薦各種咖啡,因為選擇多同有啲外面都未試到有嘅口氣味。例如玄米茶latte,嗰排重口味嘅嘢食得多,一飲呢個真係好fresh,係我嘅all time favourite!呢間都算係區內嘅人氣café,尤其星期六日要去的話,記得要早啲去啊!

地址:元朗錦田市街152號地舖
電話:94497310
Facebook:CoHee
https://www.facebook.com/coheehk/

3. Coffee Lab by Count.Down

最後想講下錦田一個最近嘅人氣熱點,「錦田匯動青年館」係社區組織匯動錦田設立,主要目的係畀空間區內嘅小學生做功課、閱讀、休憩。但最特別嘅係青年館小屋內,有一面由舊紅酒館打造嘅圖書館牆,好似電影入面嘅場景,超級有童話feel,絕對係當中嘅signature打卡點!

話明青年館,當然係畀一眾青年人建立夢想同事業嘅地方,呢間咖啡店其實係由獲得SCA合格嘅人,提供實習機會而設嘅實驗館,店內採用「自由定價」形式,你可以根據你嘅體驗同感覺畀相應嘅價錢。唔好以為初出茅廬嘅咖啡師就冇水準,無論食物定咖啡真係唔輸外面,希望大家可以大力支持佢哋營運落去!

呢度星期日同公眾假期休息,錦田匯動青年館仲會定期借場畀「SCA國際認可咖啡課程」作上課及考試場地,真係畀一班有意成為咖啡師嘅朋友訓練嘅地方。而到時小屋唔會對外開放,嚟之前最好留意官網公布,唔好模門釘。

地址:錦田錦上路公路119A 錦田匯動青年館內
Instagram:@countdown.hk
https://www.instagram.com/countdown.hk/

呢啲你都可能啱睇!

single image
再生銹既刀都有鋒利嘅一日

【配色指南】4個日系實用配色網站推介!日本自然風景基調人人都啱睇

日系配色用喺各種設計上真係有種說不出嘅舒服美感,零違和感之餘人人都覺得好睇,以下4個來自日本嘅配色網站就幫你揀到心水日系色調! 1. PHOTOSHOPVIP 本身係個分享設計資訊嘅網站,曾經整理咗各種日本47個都道府縣靚景嘅配色方案,對於一啲想用和風大自然色調放落設計最啱! ...
single image
再生銹既刀都有鋒利嘅一日 搞掂檔

【自己友搵工】Google招募新政策 薪酬講價要有證明!

自己友重投求職市場嘅最後階段,必然係談論薪酬待遇,好多人講價都會拋下話另一offer提出嘅人工高啲去講價。但呢招未必再奏效了,事關科技巨頭Google近日話要俾到證明先有得傾! 外國雜誌《Business Insider》報道國際科技巨頭Google近日有項新招募政策,就係求職者如果想以「另一工作機會薪酬更優渥」而要求Google提高招聘薪金,就必須提供相關文件或截圖證明,證明佢地真係有offer,先有得討論新嘅薪酬方案。 ...
single image
唔睇無話題 搞掂檔 每月焦點

文字工作者、Content writer作品集Template 3個高質網站幫你整靚Portfolio

做freelancer最緊要有個靚仔Portfolio,咁樣先會令到你更加突出,增加搵到工作嘅機會!唔單止設計、圖片方面嘅工作者要整個protfo,就連content writer 嘅自己友都一定要整個靚靚嘅個人作品集!如果之前冇整過嘅都唔緊要,以下為大家介紹三個網站,輕鬆就可以整到protfilo! ...
single image
再生銹既刀都有鋒利嘅一日 唔睇無話題

【Instagram】IG將強制用戶提供生日保障未成年人 講明用AI捉人虛報年齡!

「老嘢先用Facebook」咁經典嘅說話係出自現代香港中學生,可見依家越嚟越來後生仔女傾向轉玩IG,仲要幾細個有幾細個。不過網絡呢個虛擬世界又真係要時刻保持警覺!就好似Instagram官方近日宣佈,為咗保障未成年用戶嘅私隱同安全,同埋加強「個人化體驗」,將會強制用戶提供佢哋生日資訊。 IG官方話幾年前已開始要求開設帳戶時填寫生日資訊,今次改動咗更會不時彈出通知提佢哋填生日。如果用戶接觸到一啲比較敏感嘅內容,IG本身會隱藏咗佢等用戶撳咗確定先顯示;但改動後會要求用戶一定要填咗生日,確認夠稱先睇到。 後生啲嘅朋友可能話:「唓,填假日子咪得囉」,少年你確實太年輕,IG一早諗到啦,仲講到明會用AI喺啲生日post偵測用戶真實年紀,然後要求佢哋再認證。 ...
Load More