Google Analytics 係一套必學嘅網站分析工具，用法相對上簡單，可以分析觀看網站嘅訪客有咩喜好，從中搵到商機調整銷售策略。啱啱開始接觸嘅朋友，可能會覺得難以入手，其實網上都有一啲免費資源，幫助大家掌握咁好用嘅分析工具！
「Analytics (分析) 學習中心」提供一系列免費課程，大家可以免費喺網上上堂，課程分為四大類別，包括Google Analytics (分析) 的基礎知識、Google Analytics (分析) 的進階概念、開始使用 Google Analytics (分析) 360及Ecommerce Analytics: From Data to Decisions。課程嘅影片教學內容係英文，配上中文字幕，同埋生動嘅動畫，好容易就理解到。
Google Analytics (分析) 入門課程：介紹基本功能，包括如何建立帳戶、使用追蹤程式碼、分析基本報表，以及設定目標和廣告活動追蹤功能等。
Google Analytics (分析) 的進階概念:介紹進階功能，包括如何收集、處理和設定資料，以及較為複雜的分析和行銷工具。
開始使用 Google Analytics (分析) 360:深入瞭解 BigQuery、Google Marketing Platform 產品和 Google Ad Manager 整合服務。
Ecommerce Analytics: From Data to Decisions：介紹如何用學會的技巧，對現有的資料進行分析。課程以線上購物網站的例子出發，逐步介紹如何分析流量、管道來源、顧客行為等等。
每個章節完結嘅時候有評估測驗，測驗內容有10至15題，幫助大家掌握新學嘅知識。過程中會提供一個測試用嘅帳號，比大家實際試吓睇數據。完成課程之後，仲會獲得一張電子證書。
