端午節食得太多糉，食滯咗唔係幾消化到？因為糯米屬於黏滯難消化的食物，如果消化系統本身唔係咁好，食完糉腸胃好易唔舒服。今次為大家介紹幾個消滯嘅方法，自己友要好好照顧自己身體啦～
一、乳酪
乳酪有好多種益生菌，有助促進長度健康，預防肚屙、便秘嘅腸胃不適。因為乳酪可以平衡腸胃內益菌及壞菌比例。食乳酪可以避免壞菌較多嘅情況，減輕脹氣、消化不良情況。
二、普洱茶
普洱茶有助降低膽固醇，刺激胃酸分泌，促進消化及解油膩，同時可以令大家精神啲、提高思考能力，一舉兩得！
三、山楂水
山楂入面有黃酮類的物質，可以預防心腦血管疾病，當中嘅解脂酶有助促進身體中胃液的分泌，提高消化能力。製作方法都好簡單，將8至10片山楂乾擺入400毫升的熱水，浸半個鐘就飲得啦！
四、麥芽茶
以中醫嘅角度，麥芽甘平係消食健脾的要藥，含有消化酶、大麥芽碱及B群維生素。飲麥芽茶對腹瀉、食滯都有幫助。
五、西梅
西梅係天然輕瀉劑，含有豐富膳食纖維及山梨醇，加上本身酸度高，有助刺激胃酸分泌，容易啲消化糯米。不過如果大家本身腸胃唔係咁好，就要留意食嘅份量啦，食得太多可能會肚屙。
