對食有一份執着既我，最怕就係胃痛搞到無得食好野。胃痛既原因有好多，平時食得重口味，入親譚仔都嗌大辣又少飲水既你，好容易過分刺激到個胃而導致胃痛。而另外既成因，包括三餐唔定時，份量過多過少，又或者壓力過大，都會形成胃痛。曾經飽受胃痛折磨既你，可以參考下以下方法，去減低胃病帶黎既痛苦。
試下嘔吐
有時食錯野，或者食左過分刺激既食物，都可能引致胃漲或者胃痛。如果可以既話，試下嘔唔嘔到出黎。我自身經驗就係會飲好多水，試圖利用水幫助自己連埋啲不潔食物嘔出黎，胃痛就即時得到一定既舒緩。
浸熱水浴
浸浴可以促進你既血液循環，等你成個人放鬆翻，舒緩胃痛同減壓。同時可以係熱水加少少瀉鹽增強效果。無浴缸既話，可以用暖水袋熱敷痛處，一樣可以達到舒緩效果。
按摩胃部
胃痛可能係肌肉收縮所致，可以試下輕輕按摩胃既四周，但記得唔好太用力，否則可能會有反效果。
飲薄荷，甘菊，薑茶
薄荷同甘菊茶可以幫助抒緩肌肉絞痛，而薑茶可以有效促進消化，減輕食錯野帶黎既不適。
食藥
如果情況一直無好轉，可以試下食坊間普遍既胃藥，大多數都係藥房或者便利店都可以買到。食完都無效果既話，咁就一定要睇醫生，唔好一拖再拖。
胃痛其實有好多原因形容，可大可小。如果胃病頻發既話，一定要睇醫生檢查清楚，先可以治標又治本！
