大概就係將時間同精力放係最重要嘅事上面。打邊爐最緊要係個爐，Present、交報告最緊要就梗係內容啦！唔想交一個「行貨」PowerPoint，但對於美術又識條鐵？以下5個超強PowerPoint範本網站，一定幫到大家用最少時間，輕鬆砌到一個令人滿意嘅PPT！
1. 靚仔之選 – Canva
以花巧、多款具風格設計見稱嘅Canva，絕對係追求靚靚一族嘅不二之選，正所謂唔打得都睇得，海量設計範本睇啱之後任試任用，簡單直接係Template上打內容，零設計天份嘅手殘一族，都可以輕易製作精美PPT。仲可以Export多種格式的檔案，方便分享或傳送。重點仲有繁體中文介面，操作超容易！
2. 製作圖表不二選擇 – Slidehunter
做PPT最煩一定係做圖，Slidehunter主打內建設計好咗嘅圖表、圖解Template，如果要係PowerPoint加入圖表，只要一Click就能輕鬆套用。太多唔知點揀？網頁側邊有好多情景分類，揀啱適用類別就可以無痛製圖。不過記住，要註冊咗做免費會員先可以下載喔。
3. 成熟穩重商用最啱 – Freepiker
如果嫌花巧PPT太輕浮啱係你杯茶，主打簡約線條，科技設計嘅Freepiker就啱你啦！200多款商用Template，重點係全部免費，設計簡約，夠晒穩重, 啱晒自己友接Job、Pitch客、砌Portfolio.。只要簡單登記註冊之後，就可以盡情Download網站上嘅模版。
4. 韓妹必備 – PPT BIZCAM
煲韓劇都唔夠，連PPT都要走韓風嘅韓妹韓仔，就唔好錯過坊間難得一見嘅韓國風格PowerPoint範本資源網，Style勁有韓綜Feel！不過大多Template都係單頁，或只有「封面＋內容」兩頁式居多，要做多幾頁就要自己動手啦！
5. 日系風格最強 – The Power of PowerPoint
介紹完韓國風系，又邊少得日系風格嘅PPT！The Power of PowerPoint免費Template未必有以上介紹幾個網站多，但係勝在款款望落都既專業又有設計感，全部都支援中文字。想睇PPT整個完成品啱唔啱Feel先決定用唔用？網站仲整埋Video等你睇到翻頁或動畫Present效果！超貼心細節，唔用都睇下啦！
