劇本殺又稱LARP遊戲,由歐美開始盛行,慢慢流傳到台灣,而家香港都有得玩啦!一齊了解下劇本殺到底點解咁hit,咁好玩先啦!
喺進入遊戲之前,玩家可以選擇唔同嘅故事主題,並了解故事嘅背景,從而選擇屬於自己嘅角色。選擇完角色之後,玩家會得到一份屬於該角色嘅劇本,玩家必須完全投入角色當中,並與其他玩家一同完成劇本,然而,作為兇手的某些角色可以隱瞞某些事實,因此,大家必須在途中發掘線索,並找岀兇手!
劇本殺非常近似於狼人殺,然而,大家有更多唔同嘅故事情節可以選擇,包括推理,恐怖,宮廷,動漫等,而面對的困難亦比狼人殺更多元化,如果你係一個鐘意思考,破解迷團嘅人,劇本殺就啱矖你啦!
為咗令玩家更投入劇本,有不少主辦方都會提供服裝讓大家完完全全變身劇本角色。而人數方面,大家除了可以約埋朋友仔一齊玩之外,亦可以自己報名,讓主辦方幫你安排組隊參與劇本殺。劇本殺一般需時3-4小時,有啲需要更長時間,大家要留意劇本備註啦。
喺呢到放埋兩間香港劇本殺店比大家啦!
Crime Lab: https://www.crimelab.hk
PlayHard: https://www.larp-playhard.com/