作為Freelancer無收工時間,趕起上嚟隨時隨地都要做嘢,有時無電腦喺身點算好?依家有好多工作都可以搬去手機到做,仲有啲App可以提高大家嘅生產力。今次為大家介紹5個好用嘅App,比各位自己友參考吓!
1.QR掃描儀 & 條形碼掃描儀 (Android )
Android機冇內置嘅QR code App,所以Google Play生產力App排名頭3名都係掃QR code嘅App,「QR掃描儀 & 條形碼掃描儀」可以用嚟掃QR、Data Matrix、Aztec、UPC、EAN、Code 39等格式。掃完code可以打開網址、連WiFi熱點、新增日曆事件、讀取電子名片、搵到產品及價錢等資料。
2.極光清理 2021 — 殺毒、加速、清理、應用鎖(Android )
「極光清理 2021」 係一款殺毒、手機清理、加速軟件,可以用嚟刪除病毒、加速手機運行速度,清理、釋放儲存空間,為自己友嘅電話空出儲存空間。
3.Microsoft Authenticator(iOS)
下載「Microsoft Authenticator」 可以輕鬆、方便又安全咁登入Microsoft 帳戶,只需要輸入使用者名稱,並確認傳送去手機嘅通知,就登入到Outlook、OneDrive、Office 等等。
4.掃描全能王CamScanner|文字識別翻譯,PDF轉換 (iOS)
如果有文件要scan又無scanner喺附近,可以「掃描全能王 」將文件影到好似scan嘅一樣,仲可以save做PDF share比人,用手機處理文件一樣咁方便。
5.專注清單 – 番茄工作法 & 任務清單 (iOS)
自己友每日有咁多job要做,成日覺得時間唔夠用,唔知啲時間用咗喺邊?番茄鐘可以幫大家計算每日喺唔同地方用咗幾多時間,一方面可以令自己專注喺一件事上,另一方面都可以睇返自己做一件事用咗幾耐,再調整自己嘅schedule,同拖延症講Bye Bye!
雖然以上嘅App都係比較多人下載,但大家下載前都不妨睇多少少資料,了解返個App係咩公司提供,個App要咩權限等等,記得好好保護自己嘅個人資料,有時免費嘅嘢先係最貴啊!