各行各業最近不斷推出新冠肺炎疫苗抽獎同埋優惠,只要市民打咗針,就可以免費參加抽獎。隨時贏走機票、足金、酒店住宿,仲可以抽樓、抽車,即刻睇吓仲有啲咩優惠啦!
信和華置
即日起至9月1日下午5時30分,接種咗兩劑疫苗嘅市民可參加抽獎。信和集團旗下黃廷方慈善基金及華人置業共同捐出「凱匯二期3座47樓D座」單位,面積為449平方呎,價值約港幣1,080萬元。
香港總商會
大家接種2劑疫苗之後,可以喺7月2日開始登記抽獎。7輪抽獎的舉行日期為7月22日、8月5日、8月19日、9月2日、9月16日、9月23日及9月30日。獎品包括3架平治C系列房車、數百份由怡和集團送出的購物禮券(每份價值1萬元)、餐飲禮券(每份價值5,000元)及酒店度假遊、500張港鐵全年車票(每張約值2萬元),以及500份由太古地產送出的購物禮券(每份價值1萬元)、本地及海外酒店住宿、國泰商務客位機票等。
星夢郵輪
星夢郵輪推出「豪華郵輪海上行宮大抽獎」,5份獎品總值近400萬元,包括價值約380萬元的大獎,一年無限乘搭的「雲頂夢號」豪華海景露台客房郵輪通行證,每次最多可供4人入住。即日起至7月30日可參加抽獎,7月30日或之前打完兩針就抽得,8月6日公佈得獎名單。
恒基兆業
即日起開始登記,7月8日第一次抽奬,金獎是九九九九實金乙両,得奬者名額20個。總共送出999 足金共300両,以及逾百萬元消費購物禮券,頭獎可獨得價值超過100萬元的足金60両。
建行亞洲
建行亞洲合資格客戶只要喺2021年8月31日或之前打咗針,就可以Click入「齊心抗疫大抽獎」登記抽獎。打一針就有一次抽獎機會,如果同時有銀行、信用卡帳戶最多可以抽4次,頭獎可獲HK$128,000建行亞洲信用卡免找數簽賬額。
富豪國際酒店
2021年9月15日或之前接種咗兩劑疫苗嘅市民,可登記成為富豪尊貴會會員參加抽獎。大獎係富薈酒店一年長期住宿(4名)、二獎係富豪九龍酒店總統套房住宿1晚(10名),仲有其他住宿及自助晚餐獎品。
海景嘉福酒店
每周抽獎形式送出海景嘉福酒店電子餐飲禮券,得獎者可獲價值2000元的電子餐飲禮券,2021年8月31日或之前接種咗兩劑疫苗嘅市民就可以抽獎。
李嘉誠基金會及長江集團
李嘉誠基金會及長江集團送出總值2,000萬元的禮券大抽奬,得獎名額有36名,頭獎1名,可獨得價值500萬元的長江集團禮券,二獎兩名,亦可獲得300萬元長江集團禮券。
深水埗區商場及團體
7月1日起,首一萬名接種疫苗嘅市民,可獲購物現金券或禮品包。超過90個團體、D2 Place、西九龍中心、長沙灣廣場及黃金電腦商場等都會推出獎賞。
煤氣公司
煤氣公司送出總值300萬元獎賞,每名幸運兒可獲得價值1萬元的購物禮券,另設價值1,000元購物禮券予2,500名幸運兒。9月中前完成接種一劑或已接種兩劑疫苗就可參加。
友邦香港
2021年6月21日至9月30日期間,已接種疫苗並成功投保AIA「智遊保」嘅客戶,可享合共200元保費折扣優惠,至於「AIA Vitality健康程式」會員就可賺取1000積分。