Uncategorized

電子消費券7月4日起可登記 一文睇晒四間營辦商吸客優惠 有間可多賺$4000?

single image

講左勁耐既電子消費券終於就黎有得用,最快7月4日開始有得登記!八達通、Tap & Go(拍住賞),WeChat Pay同埋支付寶AlipayHK 都有推優惠吸客登記,即刻睇下邊間既優惠最筍最啱你啦!

八達通 – 早登記及消費賺增值額、仲有超吸引迎新優惠
頭200萬個成功喺政府網上登記選用八達通卡用消費券,並將八達通加入八達通app的人士,可賺18蚊八達通增值額。18蚊太少?唔怕,8月1日至9月30日期間,單月累積$200或以上的零售消費滿 $1,000,可賺50蚊八達通增值額,連續兩個月推廣期總共可賺八達通增值額高達 $100!

不過筆者覺得最筍都係新出既迎新優惠,即日起至8月31日期間,將八達通卡轉移到iPhone或Apple Watch,再用嚟買一次野,就有100蚊增值額!另外喺iPhone或Apple Watch 加入新八達通卡並交易,都有成50蚊㗎!

Tap & Go「拍住賞」- 用$5000買到$9000 5G Plan

即日起至2021年7月1日,透過Tap & Go 拍住賞使用政府消費券喺CSL專門店或1O1O Center俾5,000蚊,就可以選購總值超過港幣9,000蚊嘅5G服務計劃,$5000變$9000用!

WeChat Pay – Referral成功獎20蚊

WeChat Pay則鼓勵用戶邀請親友訂閱消費券資訊,推薦嘅親友選用WeChat Pay HK登記消費券後,用戶即獲$20消費券加碼賞,最高可獲取總值$5,000加碼賞。

支付寶AlipayHK – $30早鳥優惠

由即日起至7月3日,到AlipayHK訂閱消費券優惠資訊,即可預留$30消費券早鳥獎賞。用戶在政府系統登記並選用AlipayHK領取消費券,確認後獎賞將會喺2-3個工作天內發放。不過要留意,係6張$5消費券,要分開六次用喔。

呢啲你都可能啱睇!

single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More