消費券7月4日開始申請喇!電子登記 (八達通 / AlipayHK / WeChat Pay HK / Tap & Go拍住賞)嘅朋友,每個人淨係可以選擇一種支付工具收取消費券,而每款支付工具都有唔同嘅優惠同埋特點,以下將會分別介紹!喺申請之前記得睇吓邊款最適合你!
八達通一定係最多人識嗰個選擇,無論係食飯搭車定係買日常用品都可以用到,仲要唔使身分證都申請得。以長者八達通領取消費券,仲可如常享用2元長者公共交通票價優惠。
Alipay HK 適合經常用手機支付或者經常買淘寶嘅人。AlipayHK作為阿里巴巴集團分拆的螞蟻金服旗下的公司,並與李嘉誠合作營運。唔單止淘寶免手續費,搭地鐵、巴士同埋渡輪都可以使用。而WeChat Pay HK同AlipayHK性質差唔多,建議WeChat用戶可以選擇使用。
Tap & Go覆蓋率高適合經常網上購物嘅朋友!但係值得一提嘅係Tap & Go同WeChat Pay HK一樣,要供手機號碼、身份證等資料才可開設戶口,所以選擇呢個方法嘅朋友記得留意個人資料嘅安全。