唔睇無話題 每月焦點

【手停口停工作室7月焦點】畢業志願係做Freelancer? 隨時遇上西客 7句西言西語焫著自己友!

single image

又到畢業季節,意味著又有一批新鮮嘅肝臟加入「奴力」市場。近期聽到好多類似對話:「畢業之後諗住搵咩工啊?」「冇啊!諗住做全職Freelancer Chill下先。」係Freelance食物鐽底層浮游嘅霞姨我聽到,心入面即刻暗笑一聲,Chill?接咁多次Freelance好似冇邊次可以同個Chill字可以扯得上關係。

世人似乎對Freelancer呢個職業充滿住誤解,為咗教化人類,保護自己友嘅弱小心靈,幫有志加入Freelance行業嘅新血打個底。【手停口停工作室 7月號】決定公開7句自己友最常,亦都係最憎聽到嘅7句說話,如果唔係想同Freelancer朋友仔絕交的話,千祈咪亂講。

1.「大家咁熟!有冇友情價先~」

唔知點解好多人以為Freelancer同Free Worker係同一樣嘢,再講多次,Freelancer係打自由工;唔收錢個啲叫義工!成日恃住認識問人𢲷「友情價」,明明見你係Friend已經有好多嘢有斤斤計較,仲問「可摸耳平啲」,真係火都嚟埋!

2.「急住要,宜家可唔可以快手改畀我」

做Freelance嘅好處,就係開工放工時間自己話事。不過有時候阿客會誤會,一單Job嘅價錢,係可以買起你全日24小時。經常半夜三更Text你要你秒覆佢,瞓咗都要彈起身改畀佢,想提一提各位阿客,其實Freelancer都係有Working Hours嘅,係會放工㗎,留意返唔該。

3.「今次計平啲,下次多啲搵你合作」

「今次計平啲」呢句真係難聽過粗口,呢句「咒語」永遠都唔會係接Job開頭講,而係單Job就收尾,到夠鐘收數啦,西客們就會各自出招「計平啲啦,最多介紹多啲客畀你啦」、「嚟緊都搵你幫手啦,今次畀個折嚟啦」⋯⋯如果有自己友心軟平畀佢,就會跌落價越接越西嘅無間地獄,因為阿客又會話「你上次都收我呢個價啦,點解今次唔得」,問你死未!

4.「你個價有啲高喎,人地都唔係呢個價」

雖然明白係人都想「用蔗渣價買燒鵝脾」,但係商業社會都係一錢一分貨,阿客叫你Quote個價,Quote完個價又話我貴,又話「人地開個價低啲」,既然係咁不如你搵其他人啦!

5. 「傻啦,大家咁熟點會呃你吖」

中伏有樣睇,講得出「點會呃你吖」通常都伏伏地,就係啲客想有位走盞,可以得寸進尺。所以無論幾熟都好,開價、Deadline、包改幾次、點收Deposit /尾數,呢啲咁緊要嘅事,一定要白紙黑字寫清楚!

 

 

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More