每月焦點 醫飽個肚

3間深水埗勁有格調cafe 店外裝飾店內美食全部都係打卡位 假日放鬆之選

去深水埗除咗行下鴨廟街、買電器配件、同埋睇吓布呀配飾仲有啲咩可以做呢?近期喺深水埗大南街附近開咗好多新嘅cafe!有文青feel、復古feel、日系、素食等等!今日等小編介紹3間cafe比大家,店外店內全部都係打卡位!

  1. The soulroom 一草一木 

一見到個門口就比佢吸引到!未入去之前都已經即刻想打卡先!實木長凳加綠色植物,感覺坐喺度點樣影都好有feel !

小編今次試咗個一草一木手工‘無常’蛋糕,$68 連埋餅底有7層,蛋糕漸變灰色超靚,係芝麻味嘅芝士蛋糕,蛋糕好軟滑,芝麻味好重!鍾意食芝麻嘅朋友仔要試吓啦!不過食之前記得要用酒精搓手液清潔對手呀

圖片來源: 網上圖片

地址: 深水埗基隆街102號地舖

     2. ALIVE EATERY by Alive Food 

呢一間相對比較歐美feel,主打賣酸種麵包!今次小編試咗呢間好出名嘅焦糖法國奶油布甸$58 果然名不虛傳,因為真係好好味!香脆嘅焦糖配上軟熟嘅麵包,再加上酸甜嘅檸檬雪葩,食落感覺好fresh!

圖片來源: 網上圖片

地址: ALIVE EATERY by Alive Food (深水埗)

深水埗汝州街131號地舖

  1. COLOUR BROWN X PHVLO HATCH

呢一間嘅裝修非常有特色,米黃色嘅趟閘配上軍綠色tone,有工業feel 嘅感覺!入邊仲有一條綠色嘅旋轉樓梯,打卡一流!

小編今次試咗 ALL DAY BREAKFAST $108

都算豐富,有煙肉、炒雜菌、早餐腸、炒滑蛋、茄汁豆、麵包、車厘茄、多士同沙律菜!個賣相一流!炒雜菌最好味,唔會太乾身又有口感,反而沙律菜dry左小小唔係好夠汁。

另外,小編叫咗個藍莓貝果 $52

呢個有啲驚喜,花生醬加奶油忌廉配上藍莓!每一啖貝果加cream正!

地址:Colour Brown x PHVLO HATCH (深水埗)

深水埗黃竹街13號地下

除咗深水埗之外,鴨脷洲都有間高質文青cafe,下次可以去試試佢!

 

呢啲你都可能啱睇!

single image
再生銹既刀都有鋒利嘅一日

【配色指南】4個日系實用配色網站推介!日本自然風景基調人人都啱睇

日系配色用喺各種設計上真係有種說不出嘅舒服美感,零違和感之餘人人都覺得好睇,以下4個來自日本嘅配色網站就幫你揀到心水日系色調! 1. PHOTOSHOPVIP 本身係個分享設計資訊嘅網站,曾經整理咗各種日本47個都道府縣靚景嘅配色方案,對於一啲想用和風大自然色調放落設計最啱! ...
single image
再生銹既刀都有鋒利嘅一日 搞掂檔

【自己友搵工】Google招募新政策 薪酬講價要有證明!

自己友重投求職市場嘅最後階段,必然係談論薪酬待遇,好多人講價都會拋下話另一offer提出嘅人工高啲去講價。但呢招未必再奏效了,事關科技巨頭Google近日話要俾到證明先有得傾! 外國雜誌《Business Insider》報道國際科技巨頭Google近日有項新招募政策,就係求職者如果想以「另一工作機會薪酬更優渥」而要求Google提高招聘薪金,就必須提供相關文件或截圖證明,證明佢地真係有offer,先有得討論新嘅薪酬方案。 ...
single image
唔睇無話題 搞掂檔 每月焦點

文字工作者、Content writer作品集Template 3個高質網站幫你整靚Portfolio

做freelancer最緊要有個靚仔Portfolio,咁樣先會令到你更加突出,增加搵到工作嘅機會!唔單止設計、圖片方面嘅工作者要整個protfo,就連content writer 嘅自己友都一定要整個靚靚嘅個人作品集!如果之前冇整過嘅都唔緊要,以下為大家介紹三個網站,輕鬆就可以整到protfilo! ...
single image
再生銹既刀都有鋒利嘅一日 唔睇無話題

【Instagram】IG將強制用戶提供生日保障未成年人 講明用AI捉人虛報年齡!

「老嘢先用Facebook」咁經典嘅說話係出自現代香港中學生,可見依家越嚟越來後生仔女傾向轉玩IG,仲要幾細個有幾細個。不過網絡呢個虛擬世界又真係要時刻保持警覺!就好似Instagram官方近日宣佈,為咗保障未成年用戶嘅私隱同安全,同埋加強「個人化體驗」,將會強制用戶提供佢哋生日資訊。 IG官方話幾年前已開始要求開設帳戶時填寫生日資訊,今次改動咗更會不時彈出通知提佢哋填生日。如果用戶接觸到一啲比較敏感嘅內容,IG本身會隱藏咗佢等用戶撳咗確定先顯示;但改動後會要求用戶一定要填咗生日,確認夠稱先睇到。 後生啲嘅朋友可能話:「唓,填假日子咪得囉」,少年你確實太年輕,IG一早諗到啦,仲講到明會用AI喺啲生日post偵測用戶真實年紀,然後要求佢哋再認證。 ...
Load More