作為一個專業級既捱夜人，除左識點捱夜之外。最重要就係保持埋第二朝既精神，咁先可以稱得上專業。但係紙上談兵係無用既，我見過既捱夜人入面，十之有九第二朝都好似無左個靈魂咁，樣衰之餘仲有啲眼屎未捽乾淨。所以我決定要傳授下醒神秘笈比各位，等你地可以係捱夜界順利畢業。
食早餐
女可以唔溝，但早餐唔可以唔食。捱夜通常都會消耗你身體大量能量，所以第二朝一定要食翻個高蛋白質既豐富早餐補充翻足夠能量，例如蛋同牛奶都係唔錯既選擇。
飲咖啡
咖啡提神已經係永垂不朽既真理黎。朝早飲翻杯啡，當中既咖啡因就好似鬧鐘咁叫翻醒你個人，萬試萬寧。
開燈
唔好睇少燈既作用，燈光就好似鬧鐘一樣，刺激我地既大腦，提醒我地要起身做野。所以陰陰暗暗既環境下人係好容易疲倦同眼瞓。
傾計/上網
我諗，呢個都算係我覺得最work既方法。任何娛樂性既野都可以勾起你既興趣做落去，慢慢個人就會越黎越清醒。如果太早搵唔到人傾計，上下討論區或者睇段短片都係唔錯既選擇。
聽音樂
如果可以既話，開少少輕快既音樂可以喚醒你既大腦。我推薦大家可以訓醒聽下六袖子（入link: https://www.youtube.com/watch?v=Y9lailBPbhU），包你當下即時精神爽利。
運動
一大早迫自己熱下身，做下晨操，都可以令你血液循環加快，大腦可以更加醒神。唔好覺得晨操老套呀，習慣每日晨操可以令你既關節更加靈活，分分中晨操開既阿婆跑得仲快過你呀。
如果你成功依照以上既方法，捱完夜第二朝重係精神既話，証明你已經拿捏到捱夜既精髓所在，可以係捱夜界上拎翻個degree啦。為此，我都學大美人同你講翻句：
我真係恭喜你呀！
