以為自己友就唔使整CV？有時唔想砌portfolio，又或者對方想要簡單一份留個底，點算？加上最近就嚟到求職季，唔少朋友都煩惱緊CV應該點整。如果今時今日仲用word整就好尷尬啦，唔單止唔美觀，仲會好難喺海量嘅CV入面突出。所以近期都有唔少人選擇用網上面嘅樣本CV，唔使自己排版之餘，幾分鐘已經可以完成。以下想為大家介紹三個網站，佢哋入邊嘅CV template 都非常之靚，仲可以按照自己嘅需求，揀選適合自己嘅模板，咁就唔怕同人地重複啦！
呢一個網站嘅CV模板風格偏向簡潔，冇乜太多嘅裝飾，但係亦唔會有死板嘅感覺，大部份文職嘅工作者都可以選擇呢一個網站！佢哋嘅排版方便都非常之易用，模板的行距、對齊等格式已固定，想調動不同內容區塊的次序，手殘都唔使驚！但係佢哋免費版本只可以儲存一份履歷，所以喺改動之前，記得下載原版！
2.Canva
呢一個免費嘅網站你絕對要知！佢唔單止有好多CV嘅模板，佢仲有好多PPT，poster 等等嘅template。藝術創作者，或者時尚工作者一定要用呢個網站！因為呢個網站有好多精美嘅模板，排版自由度，編輯選項相當豐富。只要跟着輸入你嘅個人資料，輕鬆就可以整一份CV。
呢一個網站絕對係懶人首選！只需選擇template同埋填寫好個人資料就可以自動排版！超級方便。而呢一個網站大部份模板都係偏向簡潔，文職或者金融行業不妨可以考慮吓用！但係佢唯一嘅缺點就係冇得揀字體大小，所以呢一點都值得留意。
