Freelancer經常留喺屋企對全電腦做嘢,唔少人都會想坐得舒服啲又健康啲,電競椅就愈來愈受歡迎。近有網友用200幾蚊,淘寶買入嗰張電競椅,坐左成年發覺唔對路,𠝹開一睇,竟然發現張電競椅入面原來極噁心!
有個網民喺討論區上面指出自己界爛咗淘寶買嘅電競椅,佢指出入面全部都係回收膠粒所造成嘅廢物回收品。佢仲post埋相片,果然真係有圖有真相。唔少網民睇完之後都表示震驚同埋覺得非常之誇張!因為本身張凳已經爆咗皮,補救唔到,所以樓主先至界開佢。
佢仲上傳左交易截圖,電競椅原價259元人民幣,減價優惠50元之後只需209元人民幣。
不過唔少網民都話「一分錢一分貨」,咁平嘅產品就預咗質素唔好,同埋網上購物嘅時候都要做足功課,唔好貪平!