東京奧運7月23號正式開幕,各國運動員都會著住自己國家奧運隊服同大家見面。每件戰衣都加入國家的國旗顏色、象徵圖案,以及流行時尚名牌設計。加拿大嘅戰衣係塗鴉風牛仔褸,率先睇大家睇下10個嘅國家奧運隊服啦!
美國
美國的隊服繼續由美國經典品牌Ralph Lauren設計,以藍色領、手臂國旗,配上標誌性的馬球衫及配套的白色長褲,腰帶以國旗為靈感,帶出經典美式風格。而美國女運動員嘅內衣、家居服同埋睡衣,就由Kim Kardashian嘅Skims所設計。
澳洲
澳洲隊隊服係綠色及金色嘅配搭,外套下嘅襯衫由奧運超級羽量級拳擊手Paul Fleming設計,採用日本摺紙對稱設計。外套就由服裝品牌Sportscraft製作,上面印有320名澳大利亞金牌得主名字。
加拿大
加拿大隊服由加拿大連鎖百貨公司Hudson’s Bay與美國牛仔品牌Levi’s合作製成,係一件牛仔外套,正面有顯眼嘅補丁,背面有黑色和紅色塗鴉,設計新潮有別於其他國家嘅隊服。
土耳其隊
土耳其隊隊服由土耳其著名品牌Les Benjamins創始人、土耳其設計師Bünyamin Aydın設計,設計以以紅色和白色為主,加入海軍藍,將土耳其特色、標誌圖案融入到隊服。<按此睇片>
台灣
台灣隊服為展現可持續發展,用上回收纖維製成,並使用環保顏料進行染上經典的藍、白、紅等主要顏色。值得留意的是釦側嘅六色彩虹設計,宣揚台灣寫下亞洲第一婚姻平權歷史,展現台灣多元包容。
香港
香港隊服由意大利運動品牌FILA設計,西裝外套與西褲制服以象牙白色為主調,口袋及領位綴上FILA DNA紅、白、藍色線條,設計簡約清新。
俄羅斯
俄羅斯隊隊服由捷克設計師Zuzana Osako設計,利用印染技術為女運動員製作藍色連體服及白色無肩帶連衣裙,為男運動員製作藍色背心、白襯衫和長褲。
芬蘭
芬蘭國家隊的隊服有網狀細節和海藍色的油漆的印花,由Icepeak設計。
法國
法國品牌Lacoste和Le Coq Sportif為法國設計隊服,以藍色、紅色和白色為基調,呈現光滑、時尚、舒適的感覺。<按此睇片>
日本
日本的隊服由日本洋裝品牌AOKI設計,有開幕式禮服及儀式禮服兩款,開幕式禮服以白紅為主,象徵日本國旗日之丸,禮儀裝則以深藍色和白色為主色。雖然係長袖都唔會太熱,因為係用100%麻製成,適合炎熱夏季著。