每屆奧運都有設計獨一無二嘅吉祥物,不過藝術嘅嘢唔係個個識,過去10屆奧運吉祥物,隻隻都有負評。今屆東京奧運嘅吉祥物係機器人造形嘅MIRAITOWA大家又點睇?之前嘅吉祥物又有邊隻令大家最深刻?
奧運史上的第一隻吉祥物係一隻短腿長身的德國獵犬WaldiWaldi ,佢來自1972年德國慕尼黑奧運,身上有黃、橙、綠、藍等多種顏色,代表運動員堅韌、堅持和敏捷。不過咁多隻色夾硬砌埋一齊,有人就話似足BB玩具。
1976年加拿大蒙特婁奧運吉祥物係海狸Amik,主色係黑色,身上有帶紅色帶加入奧運五環設計。有人話遠睇就好似一舊黑色嘅物體貼咗條紅色警告帶,叫人唔好掂!
1980年莫斯科奧運吉祥物係一隻俄羅斯熊Misha,係喺一百幾幅漫畫熊中揀選出嚟,Misha係啡色嘅熊戴住一條奧運五環嘅腰帶,當時都好受小朋友歡迎,同之前兩屆比算係得意好多。
1984年美國洛杉磯奧運吉祥物係由迪士尼設計,老鷹Sam著住紅白藍顏色嘅衫、手持火炬,頂帽有五環設計。Sam令吉祥物開始變得商業化,洛杉磯奧運都係史上第一個賺錢嘅奧運會,大家對迪士尼嘅作品又點睇?
1988年韓國漢城奧運會用象徵東方嘅老虎做設計,取名為Hodor頸上戴住奧運五環,頭頂嘅帽有一條絲帶。有網民批評條絲帶好多餘,破壞整體觀感。
1992年西班牙巴塞隆納奧運吉祥物Cobi又似狗又似羊,睇睇下仲有啲似狐狸,當時西班牙電視台仲特登為佢製作連續劇,一開頭西班牙人都覺得好古怪、難接受,睇睇下竟然接受到。
1996年亞特蘭大夏季奧運吉祥物Izzy係第一隻用電腦製作嘅吉祥物,官方話係一個幻想出來的生物,見到佢嘅人都會問「what is it?」,讀快D就變成「Izzy」。但好多人都批評個設計不倫不類,對眼生喺頭頂之餘,仲要夾硬將奧運五環分別掛喺對眼、手、尾巴,藝術真係難捉摸…
其實每隻吉祥物背後都係象徵主辦國嘅文化、正面嘅寓意等。不過2008年北京奧運福娃就有暗黑故事,佢係首創5個擬人化公仔,5隻福娃分別叫做:「福娃貝貝」、「福娃晶晶」、「福娃歡歡」、「福娃迎迎」、「福娃妮妮」,五個名字連起來即諧音「北京歡迎你」。
但同時離奇地預言中晒2008年,中國發生嘅5個大災難,有外媒話福娃「被詛咒」。中國網民認為,中國贈送給香港嘅國寶級動物中華鱘喺海洋公園水族館比熱帶食肉魚咬死係「貝貝」造成,代表黑色熊貓福娃「晶晶」喺熊貓的家鄉四川引來大地震,至於另外3個不謀而合嘅「詛咒」就留待下回分解啦!