嚟緊相信唔少Fresh grad 都開始進入職場，不論係fulltime、parttime定freelancer，第一次踏入職場生活唔多唔少都會有啲甩漏。有位網民都喺討論區上面問有咩建議可以比啱啱出社會嘅新鮮人，唔少網民都有熱烈回覆，我地為大家整合左幾個一定要留意嘅位，其賁唔止fresh grad，有時老手都會中招！
同事還同事，朋友還朋友。職場新鮮人真係要避免好似以前讀大學咁樣以為個個都可以做到朋友。返工嘅時候盡量都避免講自己私人嘅嘢，費事比其他人知道咗，俾人攞咗來做把病就唔好啦！
趁你仲係fresh gard嘅時候記得問多啲，學多啲，做多啲。一年嘅時間好快就過，遲啲返工就冇人照住你㗎啦！
如果有啲嘢唔識做嘅話，最好就自己Google咗先。大部份嘅Google都有答案，唔好下下都走去問同事！
唔知大家識唔識用Excel呢！好似大學都冇教過點用，但係基本上所有文職都要用excel，所以返工之前不妨上YouTube學下最常用嗰幾個快捷鍵！
最後亦都係最重要嘅一個！Send email記得要cc埋上司，或者係其他有關嘅同事。如果有File要attach嘅話，記得一定要check清楚先至好send出去啊！
