香港人生活壓力大，得閒飲翻兩杯，醉生夢死，夫復可求？但不知不覺，越飲越多既你，開始語無論次，情緒逐漸高漲。隨住酒精既吸收，你係鬧市中手舞足蹈，哭笑無常。我諗差館九成既傻人發現案都係咁黎。唔想醉到比人恥笑萬年既話，以後隊酒就預備好以下幾樣食物啦。
粟米湯
唔想嘔到好似無限粟米湯咁既話，可以試下酒後飲碗粟米湯。粟米湯含有B族維生素同多種糖分，可以幫助解毒醒酒。而且係便利店好容易就搵到，相當方便。
牛奶
牛奶解酒相信唔少人都試過，事實証明牛奶含有鹼，可以令到你身體內既蛋白凝固，從而保護你既胃粘膜，減少吸收酒精。所以最好就飲酒前飲啲奶打底，或者飲酒後即刻飲翻包奶都對醒酒非常有效。
炒栗子
一杯都醉既你，係飲酒既時候可以考慮用炒栗子做伴酒小食。炒粟子有保護胃壁既功效，大大減少因為飲大左而引發既胃痛。最重要係，飲酒前食既話可以減低酒精吸收，無咁易造成宿醉。
如果話打工仔壓力大既話，手停口停既freelancer壓力仲大，得閒飲翻兩杯減下壓亦係人之常情。但識醉之餘都要識醒呀，以後飲酒配埋上面既食物，連踩幾場都無有怕啦！
