東京奧運延遲足足一年終於揭幕。其中開幕儀式的《超級變變變》動態圖標表演，相信以前有睇過呢個日本扮野節目的自己友應該覺得驚喜又充滿共鳴！幾個藍白公仔打扮的表演者跟住緊湊的音樂扮足50隻圖標，雖然睇落唔係咩高科技超大型表演，但落足心機而且娛樂感十足，小編都忍唔住再三回味，睇完又睇！其實呢個表演大有深意，與1964年的東京奧運遙遙呼應，亦係新一代設計師對上一代大師的致敬！
籃唔係籃，個波睇真啲都唔係波，白色人真係好搶戲。
出手指又得，得左。
喜感十足的幕後花絮。
唯一露臉的，反而係工作人員，抑或工作人員只係佢表演既角色？
白色人又黎搶鏡喇！
一人運動，三人出動。
以為好多人，其實得一個真人。
除左姿勢，鏡頭既角度都好重要。
白色人係最有存在感既「背景」。
其實奧運比賽項目圖標（pictogram）喺1964年東京奧運會初次登場，當年第一次用圖示形式展示競技項目，今屆奧運會既圖標就史上第一次用「動態」方式製作。
靜態圖標是日本設計師廣村正彰操刀，再由日本動作設計師井口皓太將圖標動態化。開幕式的超級變變變表演，除左展示圖標的設計，亦展示左圖標「動態」既一面呢！
