沖涼時間人人唔同，有人鍾意朝早沖，有人就鍾意瞓覺前沖。雖然聽落沖涼好似無咩特別咁，但原來沖涼既時間，係會間接影響到人既日常生活。作為一個全能既freelance自己友，就算無得揀job，都有得揀返個啱既沖涼時間慰勞下自己。
影響睡眠
沖涼既時間係會直接影響你既精神同睡眠質素。喺瞓前既一個鐘左右沖個熱水涼，可以令你全個人處於放鬆狀態，話俾你個身體知，你已經預備好瞓覺。沖完涼可以令你身體暖和，睡眠質素自然更佳啦。
而相反地，鍾意朝早沖涼既人，淋浴可以令你快速清醒，就算瞓唔夠都唔會再烏眉恰睡。而且感覺清走哂污糟既野，令你更加有自信咁迎接新既一日。
影響外觀
沖得涼既人，十之有九都會洗埋個頭。我就係屬於油性髮質既人黎，所以無論夜晚個頭洗得幾乾淨都好，第二朝個頭都係會比較油膩同扁塌。呢個情況有時會影響我第二朝見人，感覺自己既儀容唔夠企理咁。
所以之後我都轉返做朝早洗頭沖涼。除左成個人會精神好多之外，個頭都可以變返蓬鬆自然，少左不潔同扁塌既不適感，出街見人都會自信啲。
作為freelance自己友，時間比起打工仔自由好多，好多野都可以自己話事，同培養返適合自己既生活習慣。即使係微小到沖涼呢種事，都可以選擇最啱自己既時間做，好似我咁就有返個good morning啦!
