英國跳水王子的戴利Tom Daley,2020東京奧運10米高台男子雙人跳水金牌得主之一,比人拍攝到在觀看女子3米彈板決賽期間織毛冷!有關佢嘅影片同埋相片喺互聯網被瘋傳!網民覺得戴利非常可愛,點解會喺度織毛冷呢?
相片來源: 網上圖片
參加4屆奧運,戴利終於贏得首面金牌!戴利奪金後,喺社交媒體平台展示自己親手織嘅英國旗和日本國旗款式毛冷袋!原來係用來放獎牌㗎!佢確保唔會整唔見同埋刮花!非常可愛又細心呀!
相片來源: ig@ madewithlovebytomdaley
戴利喺2020年下半年開設咗一個名為「madewithlovebytomdaley」嘅Instagram專頁,佢同Brain Tumour Charity合作,一齊義賣自己親手編織的冷衫!為對抗腦癌的慈善基金籌款!非常有善心!是次活動提供由2鎊(約21.6港元)至250鎊不等共7個捐款選項予參加者,已經有556人參加,而且已經達到籌款目標啦!一共籌得5,787鎊!捐款者仲有機會得到由戴利親手編織的彩色橫間冷衫!大家係咪好想要呢!
相片來源: 網上圖片
原來仲有一個小故事!就係戴利喺眾籌網站提到,佢嘅父親於2011年因為腦癌病逝,所以佢就開始就積極為Brain Tumour Charity籌款!資助對抗腦癌的相關研究同埋尋找對症下藥的方法,希望可以幫忙到有需要嘅人!