《m記「超值選」下午茶》 相信用過為食卡既人,都曾經希望多啲其他食品都出組合,唔好得甜品咁寡。而家m記真係實現左我地既願望啦! ...
醫飽個肚
仲記唔記得曾經hit爆既短片《一生只想尋找一個肯捱麥記既女人》(入link : https://www.youtube.com/watch?v=9rqqm8mN6iY)呢?黎緊McCafé會出一系列情人節下午茶,係時候帶女朋友去挑戰下! ...
體能錢能轉換器
沖涼時間人人唔同,有人鍾意朝早沖,有人就鍾意瞓覺前沖。雖然聽落沖涼好似無咩特別咁,但原來沖涼既時間,係會間接影響到人既日常生活。作為一個全能既freelance自己友,就算無得揀job,都有得揀返個啱既沖涼時間慰勞下自己。 影響睡眠 沖涼既時間係會直接影響你既精神同睡眠質素。喺瞓前既一個鐘左右沖個熱水涼,可以令你全個人處於放鬆狀態,話俾你個身體知,你已經預備好瞓覺。沖完涼可以令你身體暖和,睡眠質素自然更佳啦。 ...
體能錢能轉換器
我有個朋友,成日以為自己千杯不醉。結果飲唔夠兩杯就醉到無倫,最攞命既係第二朝四圍問人個頭好痛要點搞。呢段野係係我朋友ig睇翻黎,上面重tag左我個名。無錯,我就係經常受宿醉困擾既人,飲完酒既翌日根本做唔到野,好在有呢個老死教我點做,之後我先可以解決宿醉問題。 第一樣野就係多喝水,你唔好當我廢噏呀我同你講,酒精係會令你既身體脫水,,從而令到你宿醉頭痛。所以飲完酒同第二朝訓醒之後,記得灌翻一大杯暖水補充水份,咁就可以大大減輕宿醉情況。 如果飲水都幫唔到你,呢個時候你可能個人少咁啲甜….唔係串你無女,係話你差咁啲糖分去促進酒精代謝。食返個橙隊支果汁,包你好快清醒翻。除左果汁之外,含有電解質既飲品都可以減輕你既痛苦。因為酒精會令你既電解質失衡,所以訓醒後隊翻支寶礦力,都可以瞬間令你快活過神仙。 ...
體能錢能轉換器
香港人生活壓力大,得閒飲翻兩杯,醉生夢死,夫復可求?但不知不覺,越飲越多既你,開始語無論次,情緒逐漸高漲。隨住酒精既吸收,你係鬧市中手舞足蹈,哭笑無常。我諗差館九成既傻人發現案都係咁黎。唔想醉到比人恥笑萬年既話,以後隊酒就預備好以下幾樣食物啦。 粟米湯 唔想嘔到好似無限粟米湯咁既話,可以試下酒後飲碗粟米湯。粟米湯含有B族維生素同多種糖分,可以幫助解毒醒酒。而且係便利店好容易就搵到,相當方便。 ...
體能錢能轉換器
對於freelance自己友黎講,喺一個只靠自我約束既環境下工作真係唔容易。人既惰性係會隨環境影響而增加,喺無人管束之下,應該要完成既工作往往都拖到最後一秒先去做。而我正正係拖延症既末期病患者,你估下我打呢篇文睇左幾多次電話,拖左幾耐先會打得完?為此,我決定參考其他前病患既方法,希望可以搣甩我鋪拖延癮。 為左對症下藥,首先問下自己點解咁鍾意拖。其中一個常見原因就係無動力。適當既甜頭可以令你更加有動力做好件事,例如完成一個task就可以休息廿分鐘,或者係限時內達到目標既話就可以買心儀物品等等。再玩大啲甚至可以將啲重要野交比朋友,要完成工作你先可以拎返。相信係呢種威迫利誘既情況下,工作效率可以極速提升。 另外我都有聽過,有啲完美主義者會因為set得個目標太高,而索性唔做。首先,呢種行為當然相當反智,皆因成就感都係令你堅持工作既源動力。隨住目標一開始就set到咁高,無論幾努力都無辦法一下子成功達標,呢種過程好易令你覺得挫敗同容易放棄。因此目標應該由低至高咁set,慢慢增加難度,一步步循序漸進咁邁向目標,先係理性而明智既選擇。 ...
體能錢能轉換器
其實做野同溝女一樣,都係要相當堅定既決心同耐性先可以修成正果。亦係因為咁,所以我一直都溝唔到女。為左我既未來着想,我決定要由工作開始訓練自己既專注力。唔知有無人同我一樣,太難既工作永遠拖到好遲先做完?為左對付我呢種容易分心既人,有人發明左蕃茄鐘工作法,只要跟住做,再難既task都可以準時完成。 蕃茄鐘其實係指一般拎黎計算煮食時間既鐘,我地將佢用係工作上。過程非常簡單,首先,揀好你要完成既工作,將工作分好幾部分,方便你一步步按住列表完成。 第二,將時間較到二十五分鐘。二十五分鐘係呢個工作法既關鍵,因為二十五分鐘係人專注力最高既時段。係呢二十五分鐘內,你必須專心完成自己設下既工作範圍,其他所有野都唔做得。直到鬧鐘一響,你一定要放底手頭上既工作休息,絕對唔可以抱住差少少做埋佢既心態去完成工作。 ...