莫文蔚演唱會成為網民焦點，連今次張海報都非常交戲，被不少網民恥笑係低成本製作。不過睇返莫文蔚咁多年演唱會海報，除咗造型特別之外，海報嘅設計都引嚟唔少負評，有啲設計好有年代感，有啲設計構圖奇怪，大家覺得邊張最難接受？ 莫文蔚着住白色短裙，雙手舉起攞住Mic，擺出跳起嘅姿勢，官方話係模仿打網球嘅動作，但唔少人就覺得好似百變小櫻同埋小忌廉。加上海報嘅設計、構圖、顏色，用上淺紫、淺粉紅嘅漸變色設計，有人就覺得唔太適合莫文蔚嘅style，搞到好老套，各位自己友又點睇呢？