2021年過咗一半，大家做過啲咩？係咪乜都冇做過呢，今個6月就等手停口停工作室，幫大家整合提高工作效率嘅方法、嚴選自己友接Job實用嘅資源網站、集合Freelance必學貼士，希望幫到一眾在茫茫Freelance大海中浮沉嘅自己友早日上岸！ 接Job想長接長有？做好自己個名好緊要，如果個客搵親你都搵唔到，夠鐘又交唔到貨，真係勸閣下返歸做「全職兒子/女兒」算啦。2021都過咗一大半，年頭講過嘅目標又做到幾多呢？拖延症嚟到年中，夠鐘好醫一醫啦，廢事遲下去到年尾，咩都冇做過浪費咗一年，真係喊都無謂。 BTW，唔知大家有冇留意，近日「躺平」一字網絡爆紅，意即香港人所指的「本䠋」。但個個都講「躺平」，唔通個個都想「躺平」咩？作為Freelancer，相信不少自己友聽到「躺平」一詞，都會露出「一早知啦」嘅老海鮮微笑。Freelancer可算是「躺平界」始祖，只不過是比較積極罷了。 ...