Freelance有好多種，不過唔係種種都可以做。有位現時擔任文職嘅朋友，之前曾經投稿至facebook專頁「辦公室日報」，話佢後生冇乜錢嘅時候，曾於旺角擔任freelance「馬檻keeper」，即色情場所的名義負責人。佢出po大爆日常工作、秘聞，當然仲有人工！不過佢話做一日就即刻拎錢走人，到底點解？ 當時因為經濟問題，加上學歷不高，在報紙的分類小廣告上看到「馬檻keeper」的招聘廣告就諗住去試吓。僱主答應「即日現金出糧」，啱晒當時急需要錢嘅佢。樓主話而家嘅「馬檻」只有1名主要負責人，基本上都係嗰啲麻甩佬「不修邊幅，長長哋頭髮，少少肥」。 樓主一開頭都以為嫖客客都係嗰啲肥佬，或者老粗。但係佢實際返工之後先發現原來大把後生仔同埋西裝友都有去幫襯。每次工作可以獲得約400多元的「服務」費，「小姐」們只能分得200元，其他嘅都係公司收取。 ...