Instagram最近推出「限時模式」嘅新聊天功能,大家用IG傾計嘅時候就可以更加有私隱、更加安心。「限時模式」嘅功能類似Snapchat嘅用法,傾完計後只要離開聊天室,聊天記錄就會自動消失,即刻睇吓點用啦! 要用呢個新功能,首先要更新Instagram,然後㩒去聊天室,揀選你想傾計嘅朋友。㩒入朋友嘅聊天室之後向上拉,就會見到深色背景嘅限時模式,畫面仲會飄過多個「噓」嘅Emoji,代表你同朋友已經進入咗「限時模式」。 為咗保障傾計嘅雙方,如果喺「限時模式」下Cap圖,對方就會收到通知,避免對話內容流出。不過大家都要注意,對方都有機會用另一部手機影低對話內容,咁就唔會收到Cap圖通知。提提大家,如果要講啲好重要、好私隱嘅野,可能當面講會比較好啦! ...
唔睇無話題