近日疑有freelancer喺連登控訴自己慘被走數。我哋手停口停工作室編輯部亦都搵到事主，講返發生咩事。事主話喺上年10月，眼鏡舖瑞士寶經服務交流平台HelloToby搵到事主，繼而WhatsApp事主講好會喺月尾過數，事主亦喺兩星期後完成交貨。 事主前前後後改過好幾次份作品，又同過眼鏡舖唔同同事交涉。交貨後事主多次追問其中一位同事出糧安排，但都只係得到「同你check下」嘅答案⋯⋯卒之到兩個幾月嗰位同事先向佢坦白，話自己已經辭咗職。 事主唯有搵返接手嘅同事，但對方回覆話因為條片同老闆要求有出入，所以唔算收貨，如果做返老闆要求嘅先會找數，又話離職同事冇交待清楚，當時又冇簽過報價單或者任何確認交易嘅文件，所以唔會無端端俾錢。最後事主決定將件事放上網。 ...