各位自己友平時做嘢口痕想食啲零食會揀啲咩?大家以為水果乾係健康零食,食多啲都唔驚?咁就大錯特錯啦!消委會揀咗6類水果乾去檢測,總共驗咗31款唔同牌子嘅水果乾,發現全部屬於高糖。有1款嘅實際糖分仲要超出標示19倍,唔覺唔覺食咗好多糖,大家真係要小心啊! 根據食安中心嘅標準,每100克固體食物中有超過15克糖就屬於「高糖」,今次所有測試嘅產品都超標。消委會話水果本身都有天然糖分,整做果乾嗰陣抽乾咗水,果糖濃縮之後糖分含量比例上升,加上飽腹感低,有啲果乾又細細粒,好易越食越多吸入過多糖。 平均糖分含量最高嘅係提子乾,每100克入面有成57.4克糖。 ...
唔睇無話題