只要行過菲林舖嘅人，一定會見過放喺舖頭角落頭、用個紙皮箱裝住嘅一堆過期菲林，望落點都冇貨架上嗰啲用盒裝嘅咁靚仔。你可能會諗堆菲林都過咗期，究竟仲有咩賣點？咪就係一個字：平！通常啲菲林舖都會用低過原價三成至一半不等放出去。如果你都想試玩下，咁就要留意以下幾點： 夜媽媽冇嘢睇 用過期菲林最大嘅concern一定係效果，而最影響效果一定係ISO！ISO即係感光度，數值越大代表感光度越高，簡單嚟講就係越適合喺黑暗環境入面影相，詳情可以睇睇我哋嘅入坑新手包。而菲林過期之後上面嘅化學物質會退化，感光度亦會隨之減弱，出現白化、蒙查查。本身喺夜晚冇閃燈下影正常菲林已經難，所以小編絕對不建議大家喺夜晚影過期菲林～ ...