5月12日就係母親節啦,點都要準備下,搵間靚餐廳同屋企人刷返餐勁既。但母親節又應該食咩好呢?今日就介紹幾間適合老人家口味,又坐得舒服既餐廳,等成家人可以開開心心咁聚下。
無敵海景-北角明珠海景
飲茶應該無一個媽媽會唔鍾意,趁母親節一於帶佢去試下北角主打新派粵菜的「明珠海景」,入面既名菜例如如竹笙金魚餃、金絲流沙奶皇包、冰花燉官燕等名貴又別緻,重可以睇到無敵海景,比媽媽至高無尚既享受!
明珠海景
地址:北角北角邨里1號北角匯東座5樓
電話:2361 1172
傳統中菜-金葉庭
港麗酒店既金葉庭,主打傳統中式菜,重點推介菜式山楂川汁蝦球伴碧綠蝦球、焗釀鮮蟹蓋,以及滋補的竹笙菜膽北菇燉花膠。唔想夜晚先慶祝,你亦可與媽媽一同試下中午既精緻點心,例如金箔蝦餃、特製鮑魚燒賣皇等。每位媽媽更可於母親節當日收到Pierre Hermé母親節限定甜點禮品及玫瑰!
地址:金鐘金鐘道88號太古廣場港麗酒店大堂低座
每位$518及$838 (5月11及12日供應)
電話:2822 5777
盛宴套餐-明閣
連續11年獲米芝蓮推介既星級粵菜食府明閣,食物品質得到一定保證!招牌菜式包括濃湯海中寶同酥炸釀鮮蟹蓋,包老媽將一定食過返尋味。
地址:旺角上海街555號香港康得思酒店6樓
每位$468及$1,288 (5月11及12日供應)
電話:3552 3028
有與趣食既話,各位記得早啲訂檯啦,到時walk in成家企喺門口等就唔係幾好啦!