各位自己友有冇睇《Running Man》呢?13日係李光洙最後一集,大家都喊到停唔到。
有時我哋就算唔接job甚至推job,都想同對方好來好去,光洙退出《Running Man》就更加體現到,你平日對人好,人哋都會對你好!
節目中李光洙一直以搞笑、不顧形象、黑仔王等形象帶給各地觀眾嘅喜愛同歡笑!可惜因為身體理由光洙退出節目,除咗成員同觀眾唔捨得,一班幕後人員都非常難過。近來《RM》製作組曝光李光洙私下超敬業嘅一面!
網上圖片
1.飛高啲事件
其中一位《RM》的PD就分享自己同李光洙的一個小故事!在《Running Man》某一集李光洙需要完成飛機懲罰的時候,他曾走近自己並問:「哥,現在飛機的高度是原來的高度嗎?」,PD回答:「不,稍微降低了一點,感覺太可怕了」。
估唔到一向「細膽」嘅光洙竟然主動要求將飛機提升到原本的高度,因爲:「高度低了觀衆可能會覺得無聊就不感興趣」,更再三表示自己沒問題!為咗節目效果,光洙喺節目中盡全力去完成任務!盡自己最大努力!好值得欣賞!
網上圖片
2.超暖心照顧新人
另外在全昭旻和梁世燦正式加入節目一個月前,李光洙因爲擔心兩人會尷尬,所以主動開始照顧二人!
當時光洙幾乎每日,都會帶全昭旻和梁世燦一齊吃飯飲酒,幫助佢哋更容易融入節目,同時搵到自己嘅定位。估唔到平時嘅犯規王光洙,私底下下咁為人設想,仲幫大家主動拉近距離!呢個體貼嘅行為即使係公眾未必睇到的地方,但係好值得我哋尊敬同學習!
網上圖片
3.從未say no
另一位節目PD都分享了與光洙合作的感受,表示:「在我的記憶中,光洙一次也未對製作組說過『No』」。有次他小腳趾骨折了,仍咬緊牙關努力撕名牌;在嚴冬中感冒了還,更願意接受水彈襲擊,自己剪輯的時候看着光洙,會覺得他像瘋子一樣搞笑,還稱:「如果光洙的直拍一旦被看到,全世界都喜劇演員都會受到文化衝擊」。
經過多年合作,光洙對他而言既是好朋友又是特別的兄弟,最後他還為好友平反表示:「光洙,不是傻瓜」。
網上圖片
見到《RM》製作組對光洙讚嘆不已!同透露佢超敬業嘅小故事,光洙呢個態度真係好值得大家仿效!平日對人地好,自然人哋都會對你好!