日常工作都會用到Whatsapp，今次同大家介紹一個有助同客仔溝通嘅方法，就係用WhatsApp Business App，大大簡化平日工作流程，有信息自動化、分類、快速回應等功能等功能，即刻睇吓點用啦！
WhatsApp Business多咗好多新功能，包括付款通知、客戶服務、銷售、市場營銷等，只要拎住手機就可以處理同好多工作。大家可在 Google Play 商店 和 Apple App Store 免費下載WhatsApp Business，填返你嘅電話號碼，打返6 位數註冊碼即可完成註冊，之後就可以打返公司資料、設定營業時間、自動回覆、產品目錄等。
1. 公司介紹
大家可以列出公司產品、服務、地址、簡介、營業等資料，令有興趣搵你哋合作嘅客人留下深刻印象，更加可以方便對方了解你哋可以提供咩服務，慳返大家時間。
2. 設定營業時間
雖然Freelancer工作時間彈性，但大家都唔想24小時On Call㗎嘛！大家可以列明工作時間，過咗工作時間無覆機，客戶相信都會理解，未至於覺得被冷落而留低壞印象。
3. 自動回覆功能
呢個功能好緊要啊！大家可以設定問候語、快速回覆、離開訊息等即時回應，有時未必即時覆到message，有自動回覆功能都暫時覆住對方先。如果想用「離開信息」，可以㩒去設定> 商業設定> 離開訊息，點擊並選擇「設定時間」，客仔過咗工作時間搵你，都會得到預設嘅基本回覆。
如果想用「問候訊息」，可前往設定> 商業設定> 問候訊息，有潛在客戶主動聯絡你，系統就會自動發送訊息，幫你應住個客先，方便你之後睇返再處理。
大家仲可以仲可以設定「快速回覆」，通知客戶最新消息，㩒去設定> 商業設定> 快速回復，再設定鍵盤捷徑，以後㩒個掣就send到最新消息比客。
4. 創建產品目錄
大家仲可以清楚列明公司產品、服務，方便客戶瀏覽和購買，慳返啲時間唔使將同一個價錢重複send幾十次啦！如要創建目錄，可點擊業務設置>目錄>添加產品或服務。然後，加插圖像、產品和價格信息，最後點擊保存。
資料來源：Whatsapp
