最近天氣涼咗好多,又到咗打邊爐既季節啦!相信大家都想盡量避免外出食飯,所以今次精選左三間提供外賣嘅火鍋鋪頭。等大家可以留係屋企烚吓烚吓~
- 陸陸雞煲火鍋
周不時經過旺角都見到陸陸雞煲火鍋排晒長龍,如果想食分分鐘要排一兩個鐘!為咗不想排隊等位嘅朋友陸陸雞煲火鍋最近推出外賣速遞同埋外賣自取。陸陸雞煲火鍋主打改良四川麻辣雞煲,選用三黃雞,再用四川花椒及湖南香椒調味,啱晒鍾意食辣嘅你。只要買滿$500,就可以送到去你屋企,真係好方便!
2. 616牛肉火鍋專門店
616牛肉火鍋專門店主打鮮牛肉,各位食肉獸一定要book mark呢間!佢哋提供不同部位的鮮牛肉,每款都列明烹煮時間,包保你哋食到最佳口感。佢哋特別推介俄羅斯和牛,簡直就係入口即溶,食過包保你哋返尋味!火鍋外賣自取仲有8折添!
3. 牛旨商店
有時去party room玩唔想叫外賣,打邊爐都不失為一個好選擇。連火鍋爐都冇?唔使驚!牛旨商店設有連爐帶火鍋送上門服務,仲有三個湯底任你揀!日式醬油濃湯、3.6北海道牛乳豚骨湯、日式蕃茄湯,仲有一款啱你心水!購物滿$300以上仲免運費添!