小編今次要介紹嘅係獨木舟一日遊!夏天終於到!陽光普照緊係要出海同去海灘追逐太陽啦!
小編今次去咗西貢海下灣獨木舟,未去過嘅朋友仔可以跟着我!海下灣位於香港西貢半島北岸,屬於西貢西郊野公園一部分,海水非常潔淨,因此有好多唔的海洋生物喺度生活,亦都係上水活動的熱門地點!首先緊係要同大家講下點去啦!
海下灣交通
在西貢市中心乘搭7號小巴前往海下
全程車費:$13.1
西貢碼頭開出:星期一至六 07:55-18:25︱星期日及公眾假期 07:55-18:35
海下開出:星期一至六 08:25-18:55︱星期日及公眾假期 08:25-18:45
班次:
星期一至六:30分鐘
星期日及公眾假期:20分鐘
下車後會見到海下村告示牌,沿着一路行
入村後有兩間士多,分別係好景士多及雲海士多,兩間都有水上活動用具租借的!
今次小編就租咗架雙人獨木舟,準備出海!記得早少少去因為五點就要返嚟還野㗎啦!
因為小編當日去非常炎熱,而且玩獨木舟過程都會大約要四至五個鐘,記得預好時間呀!同埋最好就穿着防曬衣及防曬長褲,仲有就係要用防曬產品,因為要陽光好猛,最好就用高度數嘅防曬乳啦!除左大人之外,小朋友都要做好防曬,咁就大家都玩得開心啦!另外溫馨提示可以帶定防水袋!因為喺船上面,會有機會觸碰到海水!