唔睇無話題 每月焦點

4個網上接Job平台簡介 過千工種、自行定價、講啱數再開工 總有一份啱晒你

single image

疫情下Work from home成為新趨勢,好多人都會自己接下Job賺錢。不過一開頭做freelancer要點樣搵客呢?各位自己友可以用freelance平台搵生意,今次為大家介紹四個熱門平台,分別係fiverr、upwork、TaskRabbit、HelloToby,等大家接到多啲Job啦!

HelloToby係一個大型嘅freelance平台,服務分類廣泛包括有家居服務、美容按摩、學習培訓、藝術興趣、裝修維修、運動健康、商業IT、婚禮、活動製作及其他服務等700個項目。各位自己友可以登記一個帳號,透過平台接job,列出自己嘅技能,直接收到客戶嘅報價,方便管理自己嘅schedule同埋工作時間,交易完成之後雙方都可以喺平台留低評價。

fiverr嘅服務項目涵蓋廣告設計、卡片設計、Photoshop編輯、插圖設計、兒童插畫、漫畫、品牌商品設計、商業行銷、寫作翻譯、影片動畫、音樂、程式科技、商業服務、生活風格等。自己友可以用Facebook、Gmail或者email登記非常方便,再填番個人資料、專業知識領域、帳戶連結同埋安全資訊確認,可以嘅話就擺一啲過往自己嘅作品,吸引更加多客人。仲有手機app可以用,隨時喺手機同客仔溝通。

upwork係一個國際大型Freelance平台,有好多人會提供商業同埋創意嘅工作,例如內容營銷、網頁設計、翻譯、IT等。工作遍布唔同國家地區,都有唔同語言可以選擇。自己友可以將自己嘅個人資料、長處同埋工作經驗upload上去upwork,經過系統篩選就可以正式加入平台接觸全世界嘅工作機會。

TaskRabbit 係一個美國公司,服務覆蓋全球多個城市,大家可以揀選啱自己嘅地區。自己友可以根據自己需要,為每個服務設定一個價格,當有客人想搵你嘅時候,雙方可以透過網站自行商討工作細節同埋價錢,傾啱先開始做就更加有效率啦!加上呢個係外國網站,就算有啲自己友已經離開咗香港,都可以揀返適合自己嘅地區接Job,不受時間、地點限制。

網上交易始終有風險,各位自己友用平台之前記得睇清楚所有條款,留意返平台有無其他收費。同客仔傾生意嘅時候都記得Keep返record,萬一將來有咩爭執都有證有據。想知更多接freelance嘅貼士,可以睇埋呢篇文:HelloToby freelancer被走數搞到報警? 4個方法保障自己 附接job必備財務文件懶人包

 

呢啲你都可能啱睇!

single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
single image
搞掂檔 黃店有話兒

【黃店系列】6間港島黃店火鍋 懷舊、宮廷風、台灣火鍋店最吸引(12/2021更新)

秋意濃厚,打邊爐慾望指數上升,岀街食飯多數都要打下邊爐暖下身,相約飯腳圍爐是必須吧! 珍姐海鮮火鍋飯店(中環) 鋪仔細細室內裝修以懷舊主題,好似以前大排檔咁。店子已為顧客選取了最優質牛肉,主打手切及外國牛肉,食材好有驚喜十分新鮮。 ...
single image
再生銹既刀都有鋒利嘅一日

【配色指南】4個日系實用配色網站推介!日本自然風景基調人人都啱睇

日系配色用喺各種設計上真係有種說不出嘅舒服美感,零違和感之餘人人都覺得好睇,以下4個來自日本嘅配色網站就幫你揀到心水日系色調! 1. PHOTOSHOPVIP 本身係個分享設計資訊嘅網站,曾經整理咗各種日本47個都道府縣靚景嘅配色方案,對於一啲想用和風大自然色調放落設計最啱! ...
single image
再生銹既刀都有鋒利嘅一日 搞掂檔

【自己友搵工】Google招募新政策 薪酬講價要有證明!

自己友重投求職市場嘅最後階段,必然係談論薪酬待遇,好多人講價都會拋下話另一offer提出嘅人工高啲去講價。但呢招未必再奏效了,事關科技巨頭Google近日話要俾到證明先有得傾! 外國雜誌《Business Insider》報道國際科技巨頭Google近日有項新招募政策,就係求職者如果想以「另一工作機會薪酬更優渥」而要求Google提高招聘薪金,就必須提供相關文件或截圖證明,證明佢地真係有offer,先有得討論新嘅薪酬方案。 ...
Load More