情人節又到啦,唔洗朝九晚五既你,係呢日可以放低手頭上既工作,好好同女朋友過屬於你地既情人節。不過呢日你可以去邊過呢?等小編搵翻幾個好地點比大家啦!
1.中環「玫瑰燈海園」
國際光影裝置藝術展係中環同添馬公園舉行,有19個展品展出,其中2個展品位於中環碼頭附近,而其餘17個展品位於添馬公園。而當中既「玫瑰燈海園」重有成25000朵led玫瑰燈展出,形成一片閃耀浪漫既花海,充滿住濃烈既情人節氣氛!
- 愉景灣:「繾綣月下.情約二月」
如果想遠離城市既煩囂,可以考慮下去寧靜浪漫既愉景灣渡過。今年既情人節,愉景灣將會有情人節限定活動,海邊將會有一個又一個心形蠟燭排列係沙灘上,情侶們可以係沙灘打個卡,再靜靜地享受住美景,渡過清悠既情人節。
- AIA友邦歐陸嘉年華 2018
AIA嘉年華向來都係過節之選,今年有英國既歐陸雜技團,週二至週日每天開放2-4場,記得把握時間買定飛去睇。睇完表演之後,仲可以帶住另一半去玩唔同既攤位,今年仲有侏羅紀世界、迷你兵團、銀河護衛隊等多款靚靚毛公仔送,啱哂鍾意狂歡既情侶。
睇完之後,有無idea情人節去邊呢?plan完之後記得跟手book埋餐廳,過個浪漫既情人節啦!