雖則話做生意係講個信字,但時下太多人走數當食生菜,口頭承諾完又賴皮唔認數既事頻頻發生,最後損失既又係自己。所以學識收訂金,先可以保障自己。但要開口問個客落訂金既時候,又有咩要注意呢?
以合約作保証
清楚準備好合約,明買明賣,除左令雙方都有保障外,更加穩固到客人既信心,相信你係專業有信用既公司。只要俾到信心客人,對方一定願意俾半訂或直接俾全數金額。
維持公司聲譽
其實客人唔肯落訂,某程度都驚你走數或者拎哂錢就求其出貨,變相好無保障。所以公司需要一直累積舊客既評價,例如邀請舊客人留下評價,提升公司的聲譽和透明度,咁就可以令客人更加安心落訂。
動之以情
其實而家好多公司都已經有落訂制度,只要你有誠意同禮貌解釋落訂既理由,再提出其他客戶都有落開訂,施少許壓力比客人,相信對方有心合作既都唔會慳嗰少少訂而破壞合作關係。
以往亦有個案係落完訂客人都照走數,要保障自己,最重要都係係合約上清楚列好條例,等客人知道,「撻訂」係要付出代價咖!咁就再無人走到你數啦!