母親節又到啦,係時候又要消費下,買啲野氹下老媽子開心啦!無論幾多歲既女人,都無辦法避過甜品既誘惑!以下落黎就同大家介紹下,今年有咩母親節特色蛋糕值得買黎試下啦!
La Famille
La Famille既蛋糕風格充滿哥德式味道,今期推出一款全新既紅石榴玫瑰紅桑莓戚風蛋糕,淡淡的粉色忌廉配埋可食用的法國玫瑰花瓣,望落夠哂高貴大方,一定可以得到老媽子歡心。
Häagen-Dazs
唔想食普通蛋糕,可以考慮下Häagen-Daz今年推出既5款母親節限定雪糕蛋糕,包括「花語心願」、「玫瑰綻放」、「瑰麗馨語」,「唯一的愛」和「心花怒放」。雖然價錢貴啲,但係就有品質保證,一定好食!
東海堂
經濟啲既選擇,就有東海堂可以揀,出名價廉物美。今年將會有四款精緻瑰麗、時尚優雅的母親節蛋糕,包括「粉紅花盒」、「赤莓心悅 」、「芒果花漾」和「藍莓花舞」,5月8日或之前訂購母親節系列,重可以享85折優惠!
Milk Top
Milk Top今年推出4款特色蛋糕,全部都係限量發售,母親節系列包括「橙慕絲乳酪薑蛋糕」、「紅桑子柚子啫喱蛋糕」、「士多啤梨忌廉布甸蛋糕」和「芒果慕絲配牛油炒菠蘿椰絲蛋糕」,全部都係充滿水果清新風味,夏天食就最正。
A-1 Bakery
A-1 Bakery的蛋糕以柔和花系作主題,體現母親的溫馨、高貴同柔情,媽媽見到咁有意義有定食到眼濕濕!
記得趁早預訂,母親節當日買有可能無貨咖!