最近Instagram慶祝10周年開放俾用戶換轉以前Instagram APP icon,當你身邊都有唔少朋友轉返以前最經典嘅啡色相機icon,就知道自己都己經有返咁上下年紀。App icon 呢樣嘢都代表住時代嘅變遷,原來Google等熱門嘅程式都轉過好多次icon同Iogo!
唔講唔知,原來1996年 Google成立嘅時候並唔係叫Google,而係叫「BackRub」,意指可以搜尋互聯網backlink嘅引擎。
但因為個名太creepy,於是1997年參考咗拉丁詞語Googol,改做「Google」,翌年終於出咗第一個logo。當時有傳係其中一個創辦人用免費圖像編輯器GIMP整出嚟,所以設計都相當簡樸。嗰陣仲出現咗個趣聞,話因為大部分科技公司都鍾意互相追從行家,所以Google個logo都跟埋Yahoo!加感嘆號!
之後因為兩位Google創辦人一直都唔滿意個logo,所以friend搭friend咁搵朋友幫手整過個,喺度1999至2010年間出過不同版本嘅logo,開始配搭其他字體、顏色同陰影。
之後終於得出嗰期最終版,仲用到2010年添~
至2015年Google再由各地搵咗多位設計師,淨係用咗一個星期設計出新Google logo,保留咗藍、紅、橙、藍、綠、紅顏色排序,字體就由Catull改做Sans,繼而出埋App 同網站icon。
新嘅logo看似十分簡單,其實很有意思。細睇以前嘅字體Cantull,佢字母入面會有啲細線修飾咗打直打橫嘅筆劃,令到每個字母嘅份量都唔同咗,所以人都唔太常用呢類字體。至於Sans呢隻字體冇好似Cantull嘅細線,代表用呢隻字體嘅logo可以隨意調整大小,所以佢比Cantull可以輕鬆fit入Google唔同產品~