香味係另一種令人留下印象嘅方法,想令對方第一次見面就留底好印象,香味真係唔少得。揀一款適合個人特質嘅香水當然重要,但點噴香水先啱呢?唔想令人覺得太濃,又但怕好快散味又點算好?
1. 淡香水VS 香水
加咗個淡字成件事係唔同晒,冇特別寫明噴1-2下真係好足夠,太多真係只令人不適,而若係淡香就3-4下就夠。而位置都非常關鍵,要long lasting啲就係手腕,耳背就會容易突出香味,衣領就令香味散走啲,唔濃得嚟仲會keep到一段時間。
2. 出汗再噴香水
出汗咁臭噴啲香水去蓋過陣味,就會出現兩重味道:汗mix香水味,諗到都知唔太好。最好噴香水嘅時間係洗完面同沖完涼就最好,成日覺得香水味唔出或者好快散,好大部分都因為皮膚太乾燥,洗完面沖完涼補充啲水分,就會保留長時間啲。
3. 噴完香水不停摩擦
成日見人擦香水都會不停摩擦,再搽喺第二啲地方。一來會令你嘅皮膚好敏感,二來會令本身香水嘅調味有啲分解,分散咗之後就會好快無味。最好每次噴香水就隔5-6吋,之後就唔好再掂啦,等佢散發出返自己最原本嘅味道。
4. 香水亂咁放
有人會放係雪櫃令佢保質期延長冇咁容易走味,但始終放得太耐都係會走味,正常放返喺陰涼乾燥的地方,避免陽光直射,就算放係雪櫃夏天噴就會涼爽啲。再加上唔好放係廁所,廁所太潮濕,每香水嘅味道維持唔到太長時間,要留意避免放喺廁所。