2021東京奧運喺疫情下舉行,無論係運動員定係記者採訪都有好多限制。今屆奧運中,記者唔可以進入選手村,令選手村嘅環境成為一個謎。美國欖球運動員Cody Melphy透過自拍,帶大家睇選手村嘅情況,大家睇完想唔想住呢?
選手村有21個棟大樓,大約有3,600間房,比11,000位運動員入住。來自世界各地嘅運動員都喺自己間房嘅窗掛啲窗外,成為一個特別嘅風景。
為咗提倡環保,選手村用上「紙板床架」,比賽後可回收再造。好多人擔心「紙板床架」唔夠安全整親運動員,Cody就話其實張床好穩陣,可以承托佢成個人嘅重量。
選手村位於 Harumi 海濱區,有D房間可以欣賞到景色。
去到大家好關心嘅膳食,餐廳有兩層,有Pizza、意粉、素食、日本料理等。運動員要用自己嘅托盤,確保衛生,枱與枱之間都有隔板。
飲品方面,運動員可以喺每部自動售貨機領取免費飲品,只需嘟運動員嘅特殊卡就得。
交通方面,運動員嘅出入都有專車接送,避免運動員用公共交通工具時,增加感染風險。
仲有一款自動駕駛巴士,係豐田 e-Pallette 電動車,比運動員喺選手村入面穿梭。
相片來源: codymelphy