各位自己友有冇感覺到最近天氣涼左呢？踏入秋天，緊係要去露營遠離煩囂，呼吸下新鮮空氣當去旅行啦！如果你係露營新手，或者想輕便啲去chill下就啱啦！今次為大家介紹5個Glamping好去處，約埋朋友隨時行得！
1. 長洲西園豪華露營體驗
圖片來源：KLOOK
圖片來源：KLOOK
圖片來源：KLOOK
鍾意睇星嘅自己友留意啦！長洲西園營地有觀星圓拱屋，比大家攤喺張床就望個星空，渡過一個浪漫嘅晚上。仲有星海之森、南非營、蒙古包等房型，分別可容納4至9人。營舍有冷氣、冷熱水淋浴同行李寄存，園區仲有泡泡足球、繩垂及攀爬、草地障礙弓防箭等歷奇活動，大家可以自費參與，快啲去玩返2日1夜或者3日2夜啦！
2. 大嶼山長沙浪高長岸露營車體驗
圖片來源：KLOOK
圖片來源：KLOOK
鍾意玩水上活動嘅自己友，可以去距離東涌只係20分鐘車程嘅長沙，有豪華露營和露營車可以過夜，包埋豪華睡墊、傢俬，冷氣設備及充電頭，對出就是長沙泳灘，可以租滑浪板、人體沖浪板、獨木舟和滑浪風帆等，趁天氣仲未凍，快D盡情玩水啦！不過唔好以為天氣涼咗，就唔使做防曬，秋冬天太陽一樣會令你曬傷！
3. 西貢露營遠足慢活之旅
西貢咁大一日點玩得晒？鍾意行山嘅你不妨跟專業教練盡情探索下呢個國家地質公園啦！夜晚仲可以一齊睇星星、露營、煮野食。
4.西貢獨木舟露營體驗
圖片來源：KLOOK
圖片來源：KLOOK
西貢有好多珍貴又獨特嘅自然環境，仲有1億4千萬年前的火山岩石，靠自己雙手划獨木舟近距離睇就更加震撼。經Klook預訂，仲有埋早餐、晚餐、睡袋、露營營具等，隨時去玩都得！
5.Jeep 車頂露營體驗
圖片來源：KLOOK
圖片來源：KLOOK
車頂露營大家以為外國先有？喺香港無車牌都去到車頂露營㗎！有公司會安排工作人員揸車送你到指定地點，幫你set好晒所有嘢，包括廚具、gas、露營冰箱、餐具、充電器及已入滿水的20L戶外儲水器等。到時坐喺車頂睇日出日落，齋諗都好chill啊！
