日日做野做到腰酸背痛,已經係兵家常事。但其實其中一個主因來自長期處於同一個姿勢工作,又無任何伸展運動抒下展筋骨,勞損似乎都係必然既結果。所以今日就教返一眾自己友學返兩招伸展操傍下身,操fit返個body。
第一式:長坐姿配合身體下壓(伸展腿部後側及後背肌肉群)
雙腿一齊向前伸直的既姿稱為長坐姿。保持長坐姿,雙手向前伸,盡量掂住腳尖,盡可能將胸部貼近大腿,持續10至15秒,重複10次。如果柔軟度不足,唔好夾硬黎,免得傷到筋骨。
第二式:腳掌相對坐身體前屈(伸展大腿內側及後背肌肉群)
坐姿同雙腳腳掌相對,記得保持後背挺直,上半身往前傾,持續10至15秒,重複10次。
第三式:單膝立起配合轉體
長坐姿,將右腳曲起、跨到左腳膝蓋外側後,將身體轉向右側,同時將左手臂置於右腳膝蓋外側。背要保持挺直,持續10至15秒,重複10次,再換另一邊。
第四式:肩部伸展(伸展三頭肌等肩膀後側肌肉群)
將左手臂放在右手臂上,肘彎相交成十字,左手臂彎起,使力將右手臂拉近身體,持續10至15秒,重複10次,再換另一邊。
學識呢幾招,每日花小小時間做,包你翌日精神爽利,跌打錢都慳埋,一舉兩得。