最近踏入左秋天,呢啲咁舒服嘅天氣真係好適合叫埋朋友仔一齊去秋遊!以下為大家整合左11個睇日出嘅好地方,記得帶相機去打卡啦!
1.元朗南生圍
相信大家都知道南生圍出咗名睇日落靚!特別推介去木橋個邊睇日出,因為嗰邊仲可以影到樹木嘅倒影,唔使構圖都可以影到靚相!
交通方法:港鐵元朗站 G2 出口乘搭 76K 號巴士至紅毛橋落車,然後沿南生圍路步行。
2.大帽山
大帽山係全香港最高嘅山,高達957米!所以都係睇日出嘅熱門地方,濕度較高嘅時候仲有可能會見到雲海日出!
交通方法:乘搭 51 號巴士至大帽山郊野公園,步行上山時間約 1.5 小時。自行駕車/乘搭的士至大帽山扶輪公園到半山閘口位前下車,步行上山時間約 1 小時。
3. 鳳凰山
呢個山被譽為香港最美日出地點!每年1月1號都有唔少市民專登嚟到呢座山睇日出!如果打算去睇日出嘅話一定要選擇唔大霧,雲層薄嘅日子~咁就可以見到清晰嘅日出!
交通方法:在港鐵東涌站的巴士總站乘搭大嶼山巴士23號至昂坪市集,下車後按路牌指示前行,步行上山時間約2小時。
4. 清水灣大坳門
相信有影開星星嘅朋友都一定有嚟過呢個地方!喺呢度呢度睇日出都一樣好靚㗎~ 呢度日出嘅時候可以見到太陽係海平線升起,構圖100分!
交通方法:將軍澳港鐵站乘103M小巴;寶林港鐵站乘16號小巴;鑽石山港鐵站乘91號巴士,於大拗門迴旋處站下車,沿清水灣郊野公園方向步行20分鐘
5.清水灣田下山
呢一座山只有273米高,絕對適合新手!如果你由五塊田出發,行約30至45分鐘就可以去到山腰睇日出嘅地點!
交通方法:自行駕車/乘搭的士至清水灣鄉村俱樂部閘口下車,路旁有往田下山的郊野徑,步行30分鐘至近頂部的小平原即達。
6.大埔 三門仔
大埔區嘅市民冇嘢做都可以去三門仔睇日出!三門仔個附近海面平靜,可以輕鬆影到倒影!附近仲有一個碼頭,喺嗰邊影相真係冇得頂!
交通方法:港鐵大埔墟站搭74K巴士或20K小巴至三門仔總站
7.馬鞍山 昂平
位於馬鞍山郊野公園內的昂平,絕對係一個睇日落嘅好地方!有時間嘅話仲可以喺度露營,玩兩日一夜都唔錯㗎!
交通方法:馬鞍山新港城中心乘NR84巴士到總站馬鞍山村,步行至馬鞍山郊遊徑繼續前行約1小時可抵達高原位置
8.大東山
每年秋天都一定要去大東山睇芒草!嗰度除咗影芒草打卡好靚之外,睇日出都係一個唔錯嘅地點!
交通方法:乘新大嶼山巴士1、2、11、23、3M號於伯公拗下車,步行約2小時
9.太平山山頂
平時去山頂都係睇夜景,但係睇日出都一樣咁正㗎!我哋建議大家可以去山頂廣場隔離嘅盧吉道~嗰個位超級開揚,所以非常推薦大家去!
交通方法:中環8碼頭搭乘15C號巴士,或港鐵中環站J2出口步行至花園道山頂纜車站,再搭乘山頂纜車登山
10.石澳
石澳都係一個睇日出嘅好地方!橫過水泥小橋行去大頭洲,山頂上面嘅涼亭就係睇日出嘅好地點!之後仲可以去海灘嗰邊玩下~
交通方法:港鐵筲箕灣站乘 9 號巴士或專線小巴前往石澳。
11.飛鵝山
飛鵝山係九龍半島最高嘅山,周圍都冇咩高樓~ 山頂的觀景台就係睇日出嘅好地方啦!有時間嘅不妨去睇吓~
交通方法:德福花園乘搭 1 號小巴或在采頤花園乘搭 1A 小巴,於飛鵝山道路口下車,經由 328 登山徑拾級而上
*以上是網上圖片